….
الطاقة هي الحياة …والحياة هي الطاقة….والسودان دولة طاقات المستقبل …مبدا نيولبرالي ..لكن تحت الطاولة……
٠٠٠٠٠اليورانيوم ……
….اليورانيوم ……
….اليورانيوم…..
….اليورانيوم ….
……………………..
من اربعة وثلاثين معدنا تنتشر في اراضي السودان تمثل عمود الثورة الصناعية الحديثة…والسودان يحتل المرتبة الثالثة عالميا بعد روسيا والولايات المتحدة…او ربما المركز الرابع علي اقل تقدير في بعض الدراسات المتاخرة…وهو اي اليورانيوم من اربعين ميزة للسودان تجعله محور القوة والحلم القادم لمن يريد الريادة والسيادة علي زمن قادم……..
……… ……..
وبالتالي يملك السودان كل عوامل الدولة المدهشة للمستقبل بطاقاتها ومواردها ..فهي اذن الدولة الحلم لذلك العصر النيولبرالي المظلم علي الشعوب ..وبالتالي وجب..بلعها ……
…وجب بلعها ….
٠٠٠وجب بلعها ….
والان بدات مرحلة البلع ..لكن بسرعة شوية ..لان الجائعين كثر وتلونت اشكال افواههم ..خاصة وانه اي السودان لقمة دسمة ومشبعه لدرجة اكمال الشهية ومن اول لقمة ..وما يساعد في ذلك ان شعبها طري ولين ..بسبب ان ساسته وصفوته حولوا عظامه الي نخرة طرية .. فهم من عشرات السنين.. كالجريوات ..يتخانقون فقط..علي اي شئ وكل شئ…حسبنا الله ونعم الوكيل…
………..
……………
اليورانيوم …..
السر والكنز …في حاجات معدنية تانية في السودان وقتها ماجاء..و لكن بعد ٢٠٣٥ ..ان شاءالله سترون لمن بقي حيا يرزق…
ثروة السودان من اليورانيوم فقط ..دون بقية المعادن والمكتشفة في بعض اجزائه …مليون واربعمائة الف طن…
بالارقام ١٤٠٠٠٠٠٠
والذي لم يكتشف اضعاف واضعاف……
خلي بالك معاي شوية ….
الارقام دي تقديرية من ناحية قيمتها السوقية…لان اسعار البورصات تتغير لكن الي الاعلي …وبالتالي تزداد قيمة السودان لدي المستعمرين الجدد باستمرار يعني ..نحن غاليين جدا بارضنا ..تقل قيمتنا بالصراع فيما بيننا… بينما ارضنا..الله الله
……………….
في السوق العالمي عام ٢٠٢١…. كان سعر جرام واحد من اليورانيوم يساوي مائة برميل نفط ..الكترابا……
وبلغة اخري لمعدن اخر ..جرام اليورانيوم يساوي ..ثلاثة طن من الفحم الحجري…
ياالهي …
الارقام تقديرية من مصادر تجار المعادن……
……………….
ايها السودانيون …
عندكم.. مليون واربعمائة الف طن من اليورانيوم ..دا المكتشف بس…
الطن يساوي ١٠٠٠ كيلوجرام..
الكيلوجرام بساوي ١٠٠٠ جرام ….
يعني عندنا بالضبط كدا
مليار واربعمائة مليون كيلوجرام…
او ترليون واربعمائة مليار جرام…يورانيوم
…لا اله الا الله ….
ها ياجماعة دي ياتي شغلة دي…..
بمقياس البترول عندنا معدن واحد مكتشف من جزء يسير يساوي ..
حوالي مائة واربعين ترليون برميل بترول….
…دي بتخلع والله عدييييل كدا.. ….
معقول ياجماعة….
عشان كدا العالم كلو جايينا هنا …وبتصارع علينا ..وبسنو في سكاكينهم..وحمروا لينا حتي بصلتنا ..ونحن ديوك المسلمية …
كوز ..قحاطي ..قبيلة ..طريقة ..اشراف ..عيال فلان ..دعم ..منطقتي. ديمقراطية ..اسلامية….الخ
اعتقد واري وانه وينبغي …
والي غيرها من المواقف والحاجات التي تزيد حتي ابليس جنونا ..وهو الاب…
تف ..تف يادنيا تف…
طز …ثم مليار طز فينا نحن الذين تعلمنا من ١٢٠ عام……
……………….
ومما يزيد النفس نكدا وحسرة ….وبلغة الارقام ..ان قيمة يورانيومننا تساوي
٥٠٠ مرة حجم بترول دولة فنزويلا وهي اكبر دولة تملك احتياطي في العالم مكتشف حتي الان
وقدر بترول الشرق الاوسط ٢٦٠ مرة ….
…رايكم شنو ….
……..
في ملاحظة مهمة جدا…
وهي ان قيمة البترول تتضاءل مع كل صباح جديد بسبب التطور العلمي والتكنلوجي ..حيث يرجح خبراء الطاقة ان عصر النفط سينتهي تماما بعد عشرين عاما ..لو القيامة ماقامت…بينما العالم سيلهث حول مصادر الطاقة الاخري وخاصة اليورانيوم الذي تزداد قيمته السوقية مع كل صباح جديد…
٠٠انتو قايلين اوربا وفرنسا جارييين شديد نحو دارفور عشان شنو ..مادي المنطقة الاهم يورانيوميا ..لها وللقارة العجوز….
بلاهي…..
……………… .
ولسع ..ماتكلمنا عن بقية المعادن ..لان الارقام بجيب ضغط وسكري ..وحاجات تانية….
ماذكرنا
السيلكون
النحاس
الذهب
الزنك
الفضة
وووووووووووالخ
حد جاب سيرة…الكوبلت
…………
ايييييك
الزراعة والثروة الحيوانية وانتاج ٢٣٠ مليون طن سنويا قيمتها السوقية السنوية ٤٨٠ مليار دولار…..لا مافي داعي نذكر اكثر من كدا……
انتو قايلين الجماعة ديل بنو سد النهضة دا ساااكت كدا…طبعا الاثيوبيين ديل اخوانا مساكين زينا كدا..
الله يكون في عونا وعونهم…….
ولسع ..
…………..
بجيني مرات خاطر كدا..انو السودان دا وبهذا الثراء.. مدخر من قبل العناية الالهية لدور قادم خطير وكبير زي امريكا كدا..العالم ما كان عارف عنها حاجة ..لكن قبل ثلاثمائة عام قامت فيها دولة سيطرت علي الدنيا وورتنا نجوم الليل…شكلوا السودان دا ..ياهو الدولة القادمة دي…
ولله في دوله وخلقه شؤوون…
..اصلا ما معقول ابناؤه يتعلموا في جامعات العالم ويحكموا دول ويؤسسوا اخري ويشاركوا في بناء الحضارة الانسانية …الخ
واول مايجوا السودان دا طوالي يتخانقوا ويضاربوا ..ويعفصوا ويفيطوا بس حمير ..في بعضهم البعض…..الخ
…….
عشان كدا ….
ديييييلك…وانتوا عارفين ..قرروا يتخلصوا منكم بالحرب والهجرة وتدمير بنية الدولة….الخ
……………
ابناء السودان …كلنا …
هل سياتي يوم نتسامي ونتعاون ..ونقبل بعضنا بعض ..حوارا وفكرا ولونا وثقافة….
ونعطي شعبنا مفاتيح المستقبل ليتصرف فيه كما يشاء…
الشعب….الشعب ..ثم الشعب…..
…………….
المحير ..انو مؤسسات التنمية في العالم تقول ان حجم سكان السودان … ينبغي ان يكون كبيرا ..اي في حدود ال ٣٠٠ مليون
بس ديل ماتامين خمسين مليون وبيتشاكلوا كل يوم..دي مصيبة شنو دي…
……..
ياربي ..دلنا …وارزقنا ..وارحمنا ..واجمعنا علي سودان واحد يستوعبنا ..
طبعا لو تم هذا …كل خطط الشياطين ديلك حا تروح شمار في مرقة ..كما يقولون…
انتو نسيتو …مروي وبعانخي ..واحمد حسن مطر….الخ
………..
الحمد لله علي نعمة السودان
تحية محبة وتقدير
…..سنواصل….
……….
……..
التعليقات مغلقة، ولكن تركبكس وبينغبكس مفتوحة.