الخرطوم – مي عز الدين –
أكد د. بحر إدريس أبو قردة رئيس التحالف – رئيس الجبهة الشعبية المتحدة للتحرير والعدالة* أن الحوار السوداني السوداني لابد أن يكون عملية متكاملة تمشي مع بعض، مشدداً على أن تحقيق المصالحات لا يمكن أن يتم بشكل مجزأ.
وقال أبو قردة خلال مخاطبته مبادرة المشورة الشعبية بولاية الخرطوم:
> “الحوار ده بشكل متكامل، لأنه عملية متكاملة من الأشياء تمشي مع بعض. الأفكار منفصلة ما بتشتغل، لازم تكون في منظومة متكاملة.”
وأوضح أن المسار المجتمعي مختلف تماماً عن المسار السياسي، مشيراً إلى أنه كان في اجتماع خاص بالمسار المجتمعي، وأكد ضرورة التكاتف لإدارة هذا الملف بوعي شديد وبدون استعجال.
وأضاف:
> “لابد أن نتكاتف وندير هذا الأمر، الشعب ده كلو لازم تكتب مخرجات يتفقوا عليها وتطبق. إحنا عندنا ما شاء الله خبراء في كل المجالات، مش فقط السودان، صلحنا دول كثيرة وقديرين جداً، لكن دائماً مشكلتنا في التطبيق.”
وختم حديثه بأن المخرجات هذه المرة يجب أن تكون متفق عليها من القواعد وتطبق فعلياً على الأرض.
و كشف *د. بحر إدريس أبو قردة رئيس التحالف* عن فلسفة مبادرة المشورة الشعبية حول الحوار السوداني السوداني، مؤكداً أن الهدف ليس تكرار سيناريو النخب.
وقال أبو قردة في كلمته أمام قيادات ولاية الخرطوم:
> “أنا عايز أبحث عن كلمات السياسيين دي. السياسيين لازم يقعدوا مع بعض، لكن تحلوا خلافاتكم مع بعض وتمشوا لإخوانكم عشان تكونوا مع بعض. نحن في السودان المرة دي ما عايزين الكلام عن مشاكلنا يكون حقنا ولا حق إخواننا السياسيين بس.”
> “الكلام ده ما يجي من السياسيين ولا يجي من الوزراء القاعدين ديل. إدونا رأيكم شنو ونعرف منكم إنتو عايزين شنو. وتكونوا موجودين من الحلة وقاعدين معاهم، عشان ما يكونوا قاعدين زي زمان.”
ووجه انتقاداً لاذعاً للتجارب السابقة قائلاً:
> “زمان في السودان ده بيجوا الناس لابسين البدل والكرفتات، بيقعدوا براهم ويقولوا والله إحنا عملنا اتفاقية وعملنا حوار للسودان. وللأسف الشديد عملوا 54 اتفاقية ومشاورات ما وصلوا فيها لحاجة، زي ما كان.”
التعليقات مغلقة.