بورتسودان :نضال عثمان
قال رئيس المقاومة الشعبية لنصرة الوطن وأحد زعماء قبيلة المسيرية الشيخ أحمد صالح صلوحه أن أبنائنا قرر بهم ومافي حاجه إسمها دولة ٥٦ دولة العنصرية البكلمونا عنها ولافي جلابة والجلابه معانا في المجلد والضعين ساهمو معانا في إعمار البلد وعملونا وإتعلمو معانا و أولادهم قرو معانا وقرو معانا مصريين وأقباط وأكد خلال استضافته بتلفزيون السودان أن مايقال عن السودان غير صحيح والروشتات التي سلمونا ليها فلول وغيرها وتابع بالقول على سبيل المثال المليشيا تطارد المزارعين وتقول هولاء فلول فلول شنو ياخي بمشو للزراعة في الجنينه وزاد قائلا هذه فرية و المليشيا إستخدمونا إستخدام خاطئ وهدروا طاقاتنا وللأسف الحرب فقدنا فيها رجال وترملت نسائنا وخلفت أيتام في حرب غير معرفة ولاندري مقاصدها وخاطب صلوحه أبناء المسيرية قائلاً أمس انت اكلتو بابنوسه كيف انت تخربو بيوتكم ومحلكم انا بقول ليكم الحكاية دي غلط ويجب ان نرجع وانت دخرنا ونحن ولدناكم شان نختكم في المكان الصحيح ولايعقل زول نحن ولدنا وربينا وعلمنا عشان نفقدو في حرب غير معرفة بدون اهداف الناس ديل يرجعو ويعودو وختم حديثه قائلا بالنسبة لاهل السودان الحرامي ماعندوش قبيله والحرب المقصود منها تفت عضد الوحدة الوطنية ومسألة التشيير عن القبائل معنية باضعاف البنية المجتمعية ومن ثم اضعاف الدولة
التعليقات مغلقة، ولكن تركبكس وبينغبكس مفتوحة.